今日王維基嘅香港電視開台，似乎得到唔少香港年輕新生代支持，有人雖然未點播追看最新上架嘅《選戰》，不過就不約而同表示會放棄無綫8點播出嘅台慶特備節目《萬千星輝賀台慶》，齊齊轉台收睇港視直播開台禮。

劉小姐：知道今日港視開台，早前港視作壓力測視時收看，都睇過港視嘅劇集作品，當中印象較深會係開台劇《選戰》，拍攝手法有電影感覺，收看時係用SmartTV，今晚會揀收睇港視節目，將來都係揀港視節目。

葉先生：唔知道今日港視開台，未睇過港視節目，其實我都冇睇台慶好多年，至於將來會乜都睇下。

吳先生：知道今日港視開台，已經下載apps，未有時間睇，若果睇會以電話收看，今晚會港視同台慶都會睇，暫時未知將來會支持邊間電視台先，要再睇下。

于小姐：唔知道今日港視開台，之前喺網上有睇過下廣告，將來會以電話睇為主，今晚會睇港視節目，將來都會睇港視節目為先。

葉小姐：知道今日港視開台，都有睇過劇集宣傳片，都覺得感覺唔錯，會以電話睇為主，今晚會揀睇港視節目，將來傾向會睇港視節目。

陳先生：知道港視開台，暫時未睇過港視作品，都會有興趣睇，如果揀會以電視收看，今晚會睇港視節目，將來都會想睇港視多啲，因為都唔知另外兩個台播乜。

謝小姐：唔知道港視開台，未睇過港視劇集，會以手電收看，因為方便隨時都可以睇到，今晚會睇港視節目，將來會揀睇港視劇集。

陳小姐：唔知道今日港視開台，之前都未有機睇過港視節目，會選揀以手機睇為主，今晚會揀睇港視節目，未來咁多個電視台都傾向以港視為首選。

曾小姐：唔知道今日港視開台，暫時都未睇過港視嘅作品，但都有興趣想睇，會用智能手機嚟睇。今晚都會揀港視節目，現在都好少睇電視節目，將來都會揀港視節目收看。

黃先生：知道今日港視開台，之前都有睇過港視節目預播，係《警界線》，感覺好新穎，題材亦有創意，都覺得好睇。看時冇乜大問題，係以電視收看。今晚會收看港視節目，將來都會揀港視頻道，希望有多啲新鮮感覺，因為都冇睇其他電視好耐。

港視開台Timeline：
http://bit.ly/1xPjXK3
（建議以平板或桌上電腦瀏覽）