當年今日
關於我們

【韓流】合體宣傳新片 張東健稱因老友玄彬接拍《屍殺帝國》

蘋果日報 2018/09/28 12:00

張東健玄彬屍殺帝國

韓國兩大型男玄彬及張東健主演嘅新片《屍殺帝國》,將於下月25號喺韓國公映,而電影將於11月1號喺香港開畫。製作費高達170億韓圜(約1.19億港元)嘅《屍殺帝國》,為製作賣座韓片《屍殺列車》嘅公司嘅新作,將朝鮮時期不可思議嘅喪屍傳奇搬上大銀幕,令影迷都相當期待。
玄彬、張東健、李善彬、金義聖等主演今日現身《屍殺帝國》嘅製作發佈會,大談新片。玄彬及張東健本身就係老友,但工作上就係首次合作,張東健喺會上都笑言:「會接拍《屍殺帝國》嘅大部分原因係因為玄彬,今次能夠合作係一個好好嘅機會。雖然片中我哋兩人嘅角色係對立,但因為兩人關係太親近,所以拍攝時氣氛都好愉快。」玄彬今次係繼《秘密任務》後二度與金成勛導演合作,提到今次新片都係有好多動作場面,被問到幾時覺得最攰時,玄彬坦言:「所有武打戲都好攰,片中與喪屍對決時有一句『好多(喪屍)』嘅台詞,實際上都真係打極都仲有,所以真係好攰。」引起爆笑。
另外,玄彬另一齣主演嘅新片《談判》正上映中,截止噚日嘅數據,《談判》以逾6萬入場人次撼贏《明堂》,成為單日票房亞軍,令累積觀映人次達137萬,而趙寅成、南柱赫及雪炫嘅215億韓圜(約1.5億港元)大製作新片《安市城》,以逾16萬入場人次繼續做單日票房冠軍,累積觀映人次高達371萬。
精選韓流,喺晒《娛果》
http://fb.com/appledailyent
empty
同場仲有李善彬、金義聖等人
empty
《屍殺帝國》片商公開多張劇照