開鑼至今暫過三期賽事，潘頓取得三場頭馬兼兩次騎師王，並以九場亞軍數目大幅拋離其他騎師，而表現飄忽的田泰安剛戰（9日）憑告東尼馬房馬匹攻下三場頭馬，開齋兼捧盃，成為騎師王，但較罕有是田泰安令彩池暫時停止受注。

另外新在港發展的利敬國，暫較適應沙田跑道，一如以往在南非策騎時，總愛直路於大外檔上前;相反同鄉麥偉利，始終暑期前接受腳部治療，開鑼日亦撞傷鼻，感覺狀態未夠，希望盡快入局。

值得一提，三期賽事總共完成28場賽事，當中華將騎師合共贏取15場頭馬，比例上一半有多。當然大部分華將因造磅較輕，季初老馬輕磅馬優勢較大，但在發揮上多場都要靠鞍上人表現滿分才獲勝。

黃俊「銀城福星」進步的澳洲式車輪鞭、巫顯東「最驫」臨危不亂的頭腦、潘明輝「歡悅星」穩陣的推騎、以及何澤堯「上市動力」出色的搵位，都是他們的功勞，還有賴維銘由心笑出來的真笑容，都顯露出華將只要有好馬，一樣交到成績!

第四場四班1200米，「赤水神駒」上季尾於同程展現能力，先在五班大勝對手，其後上四班僅敗於「常豐裕」蹄下，但再於谷草煞科戰反先對手，兼贏同場的「索先生」，今次再碰面，「赤水神駒」負磅仍較有利，而且快馬較少，期望能領放競跑，再炮製另一匹葉楚航跨季孖寶。