兩年前，三十二歲的阿鳳下嫁阿良，夫婦相敬如賓，令她一度對將來充滿憧憬。可是，丈夫患上末期肺癌，阿鳳連月來持雙程證留港陪伴丈夫，希望陪他走完人生最後一段路。
蘋果日報慈善基金撥款八千元給阿鳳作生活費，讓她專心照顧丈夫。

剛往老人院探望丈夫的阿鳳說：「其實我好想接丈夫返屋企，由我親手照顧佢，不過醫生話佢身體好弱，又行唔到，我一個女人冇能力幫佢沖涼同照顧佢，所以早幾日就安排佢入住老人院。」

隨時有生命危險
阿鳳續稱：「醫生話阿良情況唔樂觀，叫我要做定心理準備，兩、三個月唔定，半年唔定，甚至隨時佢都會有生命危險。」
今年五十六歲的阿良，原從事雜工，沒有固定收入，現時依靠綜援金過活。兩年前，他在內地與阿鳳結婚，婚後夫婦分隔兩地，阿鳳依靠種田及丈夫每月滙寄生活費維生。
阿鳳表示，丈夫身體一向健康。去年三月，丈夫久咳未癒，經檢查後發現肺部有陰影，證實患上肺癌，已到末期，經過手術、電療及化療後，情況一度好轉。
豈料今年八月，阿良覺得氣喘，遂再往求醫，醫生指其細胞癌已經擴散。
「丈夫想我留低陪佢行埋呢一程，𠵱家我唯一可以做嘅只係陪佢傾多啲偈，等佢開心啲。」阿鳳哽咽着說。本月初，阿良因身體不適入院留醫半個月，稍後出院，阿鳳聽從醫生建議，將他送入老人院接受妥善料理。