食煙對健康唔好，二手煙同樣會影響到身邊人。食煙上癮唔係話一時三刻就可以戒得甩，不過周街掉煙頭呢個壞習慣，就應該早啲戒咗佢喇。

關秀媚同男友李尚文之前喺數碼港公園散步，坐低吹水，又找咗支護膚品出嚟搽。傾得高興仲點咗支煙，關秀媚享受完，好順手咁將個煙頭放咗喺地下。

呢幾年順風順水嘅陳展鵬，早幾年被影到同屋企人喺赤柱放狗。原本係青山綠水嘅家庭樂，不過陳展鵬搵到空檔，自製獨處時間食煙，同樣食完又係將煙頭掉喺草地。

《東張》主持李潤庭上年因為背住老婆搭上空姐Crystal，停工一段長時間終於復工，不過日前開完工等上車期間，企喺路邊食煙，臨上車前將煙頭掉去暗角位。

出名真性情嘅杜如風，亦都被人影好豪邁咁喺老銅同朋友食煙吹水，極速連扯咗兩支之後，又係隨地掉煙頭。

長氣都要講多次，吸煙危害健康，不如抽多少少時間留意番「吸煙與健康委員會」網頁。（新聞連結： http://bit.ly/2vXXrUo ）