當年今日
關於我們

【網店攻略】善用大數據分析 生蠔店用呢四招吸客! 

蘋果日報 2017/06/18 00:15

網店Ocean Three何智聰

生蠔店Ocean Three開業8年,目前在全港有8間分店,過往一直在工廈營業,今年開了第一間地舖,不過網購及網絡宣傳仍然是主要收入來源,目前生意額佔七成來自Facebook等社交媒體,何智聰表示在網站要善用大數據分析客戶喜好,「要令唔買你產品,對你冇信心嘅人成為客人。」
阿聰從網站數據分析,例如在網站逗留了30秒至1分鐘,但無購物的客人,便是重點宣傳對象:「睇超過一分鐘基本上對你產品有興趣,但點解唔買?係咪網站設計唔好?定係其他原因。」
他將所有客人分成四類,包括,價格敏感人、對自己懷疑的人、遲鈍的人以及對你有懷疑的人:「價格敏感人,你可以畀個offer佢,24小時內有九折,令佢盡快買嘢。」
對自己懷疑的人,通常是怕買了高級食材但不懂得處理:「買塊600元韓牛但唔識煮,覺得你啲生蠔好食,但唔識開蠔,我哋會拍吓片,教佢點樣開蠔最快,點煎扒最靚,幫佢解決呢個問題。」
遲鈍的人,解決方法是「溫馨提示」:「呢類客通常唔去到最後一刻都唔決定買嘢,就要用方法提醒佢,例如聽日就係母親啦,用deadline提佢買嘢。」
最後一種是對你有懷疑的客人,會質疑你的產品是否有質素:「唔知你啲產品好唔好食,新唔新鮮。為咗提高信心,我會拍片令客人知,全部運送過種都保溫,又提供百分百退款保證,覺得難食,可以退款,可上門退貨。」
記者:陳新政
掌握財經地產資訊,即Like「蘋果ATM」fb專頁啦!
http://fb.com/appledailyatm