太陽娛樂老闆周焯華（洗米華）的大仔周柏豪，日前他在社交網預告，於今日5點會做facebook live。到了今日5點，穿白色印花T恤的周柏豪，準時開live，並以「EP1 富二代」為題目，還寫着︰「富二代講富二代，今日想問大家探討富二代呢個話題。」當中有不少網民留言，其中一個是洗米嫂陳慧玲，她留言問阿仔︰「幾時結婚呀！」

他一開始呼籲網民分享他的live，並說歡迎來到他第一集live，他表示不少人對「富二代」這個稱號，多是負面，認為富二代就是不用工作，伸手便有錢用。身為富二代的他，先從「富二代」三個字的源頭說起，他說︰「富二代係1978年之後發生，自從毛澤東死咗，鄧小平上台，推出咗改革開放，令一個好封閉社會開放，好多嘢都私人化咗，產生了好多商機，畀當時中國嘅商人，可以賺到第一桶金，佢哋嘅細路，變成而家中國嘅富二代。」

他還分析為何現在香港仇富會這樣嚴重，最大原因是貧富懸殊，他還指出現在收入只有三萬元的打工仔，想買樓是很困難。談到富二代為何會黑人憎？他說︰「富二代有錢咪有錢，點解要揸跑車出嚟，又揸住啲銀紙派，點解要咁炫耀、奢侈同show off，大家見到係好討厭。好似香港人點解會咁負面，有啲富二代點解會咁仆街，其實係有原因，原因係佢哋冇自尊心。」他解釋每個人都有問題，會否因為缺乏自尊心等，有可能來自家庭問題，如缺乏父母陪伴等。

今次周柏豪首次開live，一說便說足一個小時，最後他總結的說︰「唔好話呢班人係咁，嗰班人係咁，真係要去了解，唔好懶惰，要認真分析。唔好同人比較，珍惜擁有嘅一切，感恩！最後就係要有自尊心，唔好理人點睇，自己問自己係咪問心無愧。」他還呼籲網民如果想做甚麼，可以告訴他，他會以行動支持，成為對方第一個顧客。

-----------------------------
7月4日起 《蘋果動新聞》只限升級壹會員閱覽
繼續撐蘋果！