湯怡（Kathy）和許靖韻（Angela）今日在上環出席藝術摺紙活動，並和摺紙藝術家即場示範。提到摺紙，許靖韻透露以前小學時經常收到男同學傳紙仔示愛，直到中學轉讀女校後，依然有男同學靠摺紙傳達心意，後來更成為她的初戀男友，她說：「當時中三，個男仔摺咗99個心心寄嚟我屋企，阿媽見到好開心，塊板到而家仲有keep住。」而湯怡亦透露讀書時同樣收到不少類似的示愛字條，不過就笑稱無Angela般誇張。

兩人稱摺紙是一份心意，Kathy說：「而家人大咗，好多嘢都可以買得到，亦唔會特別有咩想要，反而有人肯花心思摺紙畀你就更加分。」又透露下星期將赴巴黎出席當地時裝周，笑言近日已經不停物色戰衣，更稱希望有機會認識當地型男，問到是否已準備好迎接新一段戀情？她說：「其實都ready，最緊要遇到啱嘅人，大家溝通到，咩國籍都冇問題。」另外，早前音樂會宣告延期的Angela就透露，將會在11月重開，詳情將會於日內公佈。

採訪：曹家誠
攝影：馮嘉銘

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港