日本女星高畑充希同竹內涼真合作NTV新劇《過度保護的加穗子》大受歡迎，帶旺兩位主角人氣急升，下季同一時段將會由綾瀨遙主演《太太，請小心輕放》接棒，劇中佢首次扮演人妻，同劇仲有廣末涼子同本田翼等陣容，由於綾瀨遙近年作品成績麻麻，佢嘅新作能否超越同門師妹高畑充希嘅《過度保護的加穗子》相信會令佢造成一定壓力。

前日，《過度保護的加穗子》正式煞科，NTV罕有安排綾瀨遙到煞科現場遞上花束，讓兩位女角進行交接儀式，高畑充希話雖然係同門，但同綾瀨遙係首次見面，都有啲緊張。