這晚（26日）八場谷草賽事用最狹窄之C加三跑道，度地儀指數2.69，場地掛牌為好地。如天氣情況許可下，將按計劃在第4場後進行壓地。

睇番上季9月27日首次谷草C加3欄賽事，雖然有「飛壹般」及「愛樂寶」擺前贏馬，不過後追馬絕不落下風，其中「鑽石達人」及「葵涌老友」更加從尾叠後上反先對手贏馬，故此靠後勁食糊馬亦不能睇小。

今戰列陣馬中，第六場「永益善」兩次跑快活谷草C加三欄獲一冠一亞，熱身後重返強項，有力交出表現。

另外，第一場「吉利馬王」上季最後一仗正是跑谷草C加3欄1000米後上第二，等番同一移欄相同路程才復出必求補中。