當年今日
關於我們

【誰是民間特首?】曾俊華貼發哥合照 網民:同徒弟刀仔比,賭神更有情操

蘋果日報 2018/10/03 19:00

劉德華曾俊華周潤發保育大使無雙東大嶼都會

噚晚保育大使劉德華為團結香港基金拍片,力撐東大嶼都會填海計劃,引來輿論嘩然。
同一晚,曾參選特首的John Tsang曾俊華,就去咗九展睇《無雙》嘅首映,仲有男主角發哥周潤發嚟個自拍,之後放咗上facebook,引嚟唔少人留言。不過多數留言都與《無雙》無關,而是熱烈討係講緊保育大使劉德華力撐東大嶼都會填海計劃嘅事。
留言包括:
「sell套戲冇問題囉!唔好sell填海就可以啦!麻煩你順便同發哥講聲,唔好講有關填海嘅事啦!發哥係香港人嘅最後堡壘呀!」
「同徒弟比,賭神更有情操。」
「劉華好人?佢雨傘時有冇出過聲?佢有冇為香港人出過聲?」
「其實我從來都冇覺得劉生係咩民間特首。佢亦從來冇咩表態過。當然,佢選擇幫老懵董嘅基金拍片宣傳填海,又的確係令人失望嘅。」
「點會係唔識講嘢吖。佢亦唔會唔知大部分香港人對填海既取向。其實背後既利益關係一定有。」
其實劉德華於佔領期間,亦曾有發言,他於官網華仔天地發言,以「香港平安」撰文,華仔表示:「香港人,都愛香港。爭取訴求,要關心自己、顧及大眾。大家都不要被少數挑釁者影響情緒。不要催淚瓦斯,不要武力,不要謾罵。學生們、示威者們,要擔心自己的安全,要知道有家人在擔心你們的安全。願香港平安。 華仔」
再睇番「團結香港基金」推銷的《跳出框框 想像未來——強化東大嶼都會》,須填海2,200公頃(較政府建議還要大一倍),耗資更超過7,000億元。基金聲稱自己是獨立的智庫組織,但其實其創辦人兼主席為前特首董建華,有大型地產商、金融集團及大型企業撐腰,裡裡外外都是自己人。財團對香港「民意」和政府決策影響力之大,劉德華應該有所聞吧?
「東大嶼都會關注組 ELM Concern Group」一直緊密跟進這項工程,做了不少功夫,逐一擊破「團結香港基金」報告書上的漏洞,包括:
1.基金聲稱填海成本比向地主回購土地更慳錢,但其方案不止要填海2,200公頃,更需興建鐵路、道路、五條海底隧道、兩條貫穿大嶼山的隧道,以及其他支援110萬人日常生活的基建。
2.基金聲稱可以於14年內完工。真係有可能?報告又指,「強化東大嶼都會」居民將享有更多空間,生活素質較佳。但實情是,這面積2,200公頃的地方,將住上110萬人。人口密度達每平方公里50,000人,已接近香港之最!

精選娛聞,喺晒《娛果》
http://fb.com/appledailyent