【東京遊吞鱈魚精子】去喵喵Cafe受盡冷眼 伍姑娘老貓燒鬚

蘋果日報 2018/03/17 17:05

白只奇妙電視四小時生活圈伍詠薇
    伍詠薇早前去咗東京為奇妙電視主持節目《四小時生活圈》，佢呢次日本之旅好好口福，例如食咗鱈魚嘅白子——即係精子。
    伍姑娘最初唔知係乜東東，只係聽到「白子」就衝口而出：「乜嘢係白子，香港個白只嗎？」引嚟工作人員哄堂大笑，此白只唔同碟上「白子」呀，咁都畀伍姑娘抽到水，勁呀。
    伍姑娘係愛貓之人，家中都有兩隻寶貝貓，攝製隊於是帶伍姑娘去貓cafe。唔使講，伍姑娘一入到去已經跪拜，拎長毛玩具引貓陪玩，不過俾喵星人全然無視，令伍姑娘大為冇癮，佢今日回覆《蘋果》時話：「估唔到我養咗咁多年貓，去到日本啲貓唔騷我喎，可能佢哋唔識聽廣東話。」伍姑娘立即轉移目標去媾仔，仲背住老公練海棠同日本少男玩「腿張開」。
    Um……不了……太考腰力。

    精選娛聞，喺晒《娛果》
    http://fb.com/appledailyent
    empty
    伍詠薇早前去咗東京為奇妙電視主持節目《四小時生活圈》。
    empty
    鱈魚嘅白子，即係鱈魚嘅精子。
    empty
    伍姑娘聽到「白子」就衝口而出：「乜嘢係白子，香港個白只嗎？」。
    empty
    攝製隊為滿足伍姑娘呢位圈中「貓奴」，既安排佢去貓cafe。
    empty
    佢立即拎長毛玩具引貓陪玩，不過店中貓咪卻唔受引誘。
    empty
    伍姑娘立即轉移目標去媾仔，伍姑娘仲背住老公練海棠同日本少男玩腿張開。