遊遍世界各地嘅黃翠如，啱啱又同緋聞男友洪永城去咗拍旅遊節目個幾月，今日翠如BB同吳卓羲出席大埔一個活動，翠如BB話有出版商邀請佢出旅遊書，可惜趕唔切，加上佢話唔會有人搵佢出寫真：「 我應該着衫同唔着衫大家都冇乜興趣，今次拍外景都有着泳衣，不過被洪永城佢哋嫌棄，因為之前瘦咗六磅。 」洪永城咁唔識趣呀？

另外，吳卓羲剛剛喺深圳拍完兩個月劇集回港，就要投入《衝上雲霄II》宣傳活動，以及下半年開新劇，佢話仲想多啲機會賺人仔，問佢搵夠3千萬買樓未，佢話首期夠都會諗下筆供款，不過佢話3千萬豪宅係結婚安樂窩目標，到時仲會同媽咪住。至於點處理婆媳紏紛，佢話：「所以咪要買大屋，最好有幾層，佢哋嘈我就匿埋。」至於係咪接陳豪捧做筍盤？吳卓羲話：「若果單身係筍盤，我就係，若果要有3千萬買樓我就唔係。」