在YouTube一段題為「HalfNakedHongKongTrafficCop」的3分11秒片段，以《星球大戰》作背景音樂，這名「半裸香港交通警」站在街中指揮往來的車輛，有司機聽其指示，也有司機「唔聽佢點」，但他似乎並不介意。
著名電台節目主持雲海在其網誌說：「起初還在懷疑拍攝點是否不是在香港，其實在新加坡？在深圳？在廣州？後來看到香港的士，及後面的西港城，證實在香港拍攝，但那人不可能是香港交通警吧！有點像清潔工人。香港其實好多奇人，還記得pinklady、黃婆、坪石嬌娃、插橙人……這個叫馬路天師！」

網友「令人噴飯」說：「睇完覺得好惡心，好彩無造成交通意外，個阿叔指揮交通好似擺pose同跳舞咁，唔嚇到人哋炒車已經係奇迹！」另有網友稱：「呢啲可能係行為藝術呢，少見多怪！」網友貓寶則寬容地說：「全世界都有呢啲人，不過都係為咗娛樂人哋啫，希望佢哋會小心同埋安全啦！」
網友parkyx則稱：「我認得呢位伯伯，聖誕前見過佢在上環西港城附近扮聖誕老人。仲有送東西送畀途人，幾可愛。我當時第一個印象覺得佢似一個做行為藝術的流浪漢，不行乞還派禮物，好嘢！」

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]