武漢肺炎｜西營盤西半山強檢710人「食蛋」 街坊5日內兩檢批浪費公帑
蘋果日報 2021/03/17 00:33
西營盤西半山強檢
政府連續第3晚突襲封區，昨晚刊憲，宣佈將西營盤（薄扶林道36至46號萬林閣、第三街100至106號真光大廈、高街99號蔚峰及西邊街19-29號永祥大廈）和西半山（聖士提反里1-2號金鳳閣、巴丙頓道1號興華大廈A座及M座）封區強檢，解釋是因為上址大廈近期出現確診個案，經評估後相關區域感染風險機會較高，至早上所有檢測完成，710名居民做檢測，結果零確診。
西營盤街坊批政府浪費：錢唔係咁樣用囉
早上7時半，政府表示西營盤（薄扶林道36至46號萬林閣、第三街100至106號真光大廈、高街99號蔚峰及西邊街19-29號永祥大廈）約470名接受檢測居民中沒有發現確診個案，到訪約350戶中，65戶無人應門。
在醫院工作的莊先生，解封後匆匆上班。他批評突擊封區強檢費時失事。「3月10號出信，3月11、12要你去市政大廈撩鼻撩口。咁11號去嘅人實會12號有result（結果）啦！噚日上樓講，海關嗰啲人、着晒白色衫嗰啲，話個result要13至15號先valid（有效），即係我11號撩一次，噚日 15號又要再做一次。咁樣，錢唔係咁樣用囉，不如啲錢去返醫院度啦！」
莊先生居住的大廈，有一名27歲健身教練確診，但他認為強檢治標不治本，說：「就算有個健身教練出咗嚟，都係搵唔到呀！都係嗰句啦，封關啦！」
中西區區議員葉錦龍批評，政府封區準則不清晰，對區內外籍居民的協助亦不足夠，令他們驚惶失措。他表示，「原本呢幾幢大廈已經做咗強制檢測，亦沒有新增個案，仍然執意封區，並一連封兩個位置，動用的人力超過4、500人，牽涉兩個行政區的民政處，咁勞師動眾去封區，可見成效係低到可憐。」又指「今次封區所動用的人手，多過封區範圍居民的人數。政府一邊話同心抗疫防疫，一邊又有大量的人手進入呢個區裏面，好彩就係大家都冇受感染，如果唔好彩交叉感染的話，邊個負責呢？」
居民嚴先生則認為可以理解，「係重複咗，不過有時又咁睇，世紀疫症，有時撇開政治咁講啦，唔係完善嘅。每一步，摸住石頭過河囉，從中學習囉，再改善再改善。」
莊先生5日內兩檢，批評政府浪費公帑。
早上高街解封後居民陸續離開上班上學。
早上高街解封後居民陸續離開上班上學。
區議員葉錦龍批評政府封區準則不清晰。
居民嚴先生希望檢測過程逐步改善。
西半山居民無覺好瞓
早上7時，政府表示西半山（聖士提反里1-2號金鳳閣、巴丙頓道1號興華大廈A座及M座）完成檢測，約240名接受檢測居民中沒有發現確診個案，政府亦派員到訪約220戶，當中45戶無人應門。至於被封閉的道路亦已開通。
做寫字樓的鄧先生，在解封後匆匆上班，他擔心時間趕急，有機會遲到了。鄧先生家住興華大廈A座，因為大廈早前有人確診，他和家人於上周末做了檢測。昨晚圍封期間，展示該檢查報告便可以，毋須再做一次，因此他和家人也沒有落過樓，不過始終圍封都令他有點緊張，「唔知幾時先瞓得」，略感困擾。
羅先生表示檢測過程順利，但感到奇怪，「12號檢測嘅要落嚟重新檢測，13號就唔使」，認為此邏輯古怪。
羅先生對檢測線的界定感奇怪。
大廈解封居民陸續落樓。
家住興華大廈A座的鄧先生，因為上周末做了檢測，昨晚圍封期間，展示該檢查報告便可以，毋須再做一次。
有居民在解封後匆匆趕往放狗。
早上7時左右，工作人員準備解封巴丙頓道。
政府人員穿上防護裝備。
巴丙頓道一帶被圍封。
-----------------------------
你敢爆，我敢獎！ 立即Signal 63836568、WhatsApp 《蘋果》24小時爆相爆片熱線
或致電：63836568
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！