【未生諗復出】大肚佐佐木希浸梅酒 被網民勸要戒口
蘋果日報 2018/06/07 13:05
佐佐木希
佐佐木希陀B期間仍然密密開工，其主演劇集《Daisy Luck》日前已經煞科。
日本女星佐佐木希正為諧星老公渡部建陀首胎，預產期係今年秋天，希妹陀B期間仍然密密開工，日前其主演劇集《Daisy Luck》於東京澀谷卡拉OK舉行煞科派對，佢同中川翔子、夏菜與鈴木伸之等約一百名台前幕後人員出席。
據雜誌《女性自身》報道，當日希妹着住黑色連身裙現身，仍然唔係好見肚，現場希妹話因為《Daisy Luck》係陀B期間拍攝，係令佢留下回憶嘅劇集，又與製作單位打招呼話：「產後都要多多指教。」BB未出世已諗定復出拍劇！當晚一等人喺於8點半離開卡拉OK轉場，不過大住個肚嘅希妹喺約7點半已經離開返歸。
另一方面，繼早前希妹公開食好生嘅燒牛肉被批評大肚婆應該忍口，近日佢又因為上載浸梅酒嘅照片，再惹來網民注意，勸希妹記住大肚戒酒。
精選娛聞，喺晒《娛果》
http://fb.com/appledailyent
希妹被指於煞科派對上，與製作單位打招呼，諗定產後復出。
希妹上載浸梅酒嘅照片，又再惹來網民注意，勸希妹記住大肚戒酒。
早前希妹已經曾因為食好生嘅燒牛肉被批評。