民主派和建制派今日在立法會大會上，透過口頭質詢聯手狠批多位副局長和政治助理沒有履行職責游說議員，平日只懂參與典禮，自拍為樂，失職兼不務正業，直斥有政助甚至推卻與議員和局長會面，矛頭直指財經事務及庫務局副局長陳浩濂、政治助理楊寶蓮和發展局政治助理馮英倫。

針對副局長和政治助理工作表現的口頭質詢，原由新民黨葉劉淑儀提出，但她今日因身體不適缺席會議，由黨友容海恩提問。

容海恩指，副局長和政助應多與議員聯絡溝通，解釋現時政策，但實情並非如此：「唔好意思都要講，財經事務及庫務局，佢哋喺2017年10月至今有18條條例草案，應該嚟立法會同議員游說，但係葉太同埋我，都未接過任何副局長或者政治助理嘅電話、短訊，亦都未同我哋講過關於政府政策、游說或者公共開支嘅建議，呢啲完全係欠奉！佢哋有冇做好佢哋份工？」

公民黨譚文豪則批評發展局政治助理馮英倫，指自己曾就觀塘一幅用地改變土地用途聯絡他，但馮態度惡劣，破壞行政立法關係，竟然直指議員不是持份者：「我叫同事打電話去發展局，政治助理（馮英倫）就耍佢，個幾月都唔肯約我同局長見面，我覺得無理由咁樣做。點知我打去搵副局長，又係彈返我去政治助理度。咁我同政治助理傾，我問佢點解你唔幫我約（與局長見面），搞咗一個兩個月，點知佢（馮英倫）竟然話，我唔係持份者！」

工聯會麥美娟則批評，有副局長積極參與業界活動，卻沒有與業界就新政策與業界溝通，只懂在這些典禮中自拍為樂：「一晚去四五場業界嘅典禮，當你講到佢嘅局依家要推銷新政策，但你問啲業界，副局長有冇搵你哋傾呀？係冇！佢嘅工作就係去不同典禮，然後幫手影相、自拍。佢哋嘅訓練有冇包括自拍？定係應該係教佢哋去呢啲場合去同業界溝通呢？」

政制及內地事務局局長聶德權指，自己不方便評論個別個案，因為他未了解實際情況。聶指高級公務員例如常任秘書長及副局長也是管治團隊一部份，各司其職，局內的分工或所有不同。

他又指，如果議員對個別副局長或政治助理有任何意見，可直接向其所屬的司局長提出。聶德權指，政治委任官員應接觸不同持份者，包括議員，又認為議員與副局、政助的溝通過程中，當局可以汲取經驗。他又指「自拍好多人都識」，又指很多時也要視乎局長如何分工。

根據資料，副局長的月薪由21多萬元至約25萬元，政助月薪則由約8萬多元至12萬元。

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/UkZT7poxmV