【麥格夫隨筆】馬就幾好 睇你敢唔敢買韋達!
韋達麥格夫隨筆快閃的
當日冠軍騎師韋達,自從莫雷拉進駐後即萬劫不復,以往一場有幾駒可揀的時光一去不再,但韋達仍沉住氣應戰,雖然陣上不時有患得患失情況出現,成為馬迷病;但無損大摩、告東尼、霍利時這三個大倉信任同支持。
今季韋達暫時所贏的25W,主要來自上述三個馬房均有實力馬提供,周日(26日)第三場女皇銀禧紀念盃東廐「大印銀紙」重投其懷抱,不需理會蘇銘倫因何推莊不來,事實係韋達與此駒合拍性不在蘇銘倫之下,騎九次兩W四P兩個第五,所贏兩W全在1400米取得。
頭場「快閃的」,埋門韋達一手校炮,半同主「快趣的」剛由韋達開糊;還有第八場大摩「猛闖」,上場以最快拉士湧上,加程跑1600米照計會更好。投注韋達,你敢嗎?