在香港，夏天可以熱到爆，所以賣車，尤其賣陳年二手車，冷氣夠凍都係賣點。講到冷氣，又有不少傳聞，因為很多歐洲地區夏天不太熱，對歐洲車的冷氣要求又比較低，所以日本車冷氣更靠得住，當中又以豐田車出名凍......但其實，Hypercar除了着重速度，對其他設備都一樣講究，像Bugatti Chiron，廠方還特地出新聞稿介紹番。

車用冷氣都已經有80多年歷史，對於Hypercar如Bugatti Chiron來說呢？其實都好重要，廠方落足心思測風阻提升空氣動力學，你唔通跑0-100km/h開隻窗吹吹風？廠方新聞稿中指出，Chiron車款內置總長9.5米的冷氣喉管，每分鐘可以壓縮約3kg的冷卻劑，壓力約2bar至30bar。而這樣的冷氣設置，廠方說足以讓一個861平方呎住宅單位用。

而工程師Julia Lemke亦提到，因為Bugatti車款太高速，所以反而為設計冷氣時帶來額外挑戰。在一般車款，外來空氣會在擋風玻璃下方導入車廂，不過Bugatti的車身設計，如果要讓空氣這樣導流入車廂，速度要高達250km/h才可做到。所以他們要把車廂變成負壓空間，因此車廠製作了複雜的控制系統，裝上額外的氣門及風機，確保空氣可以不斷流入車廂。

而因為車身超流線，還有一個問題就是擋風玻璃只傾斜21.5度，而且面積達1.31平方米，比起一般私家車大一倍，亦令Chiron車廂更容易被陽光照射變熱，就像有玻璃天幕頂一樣。所以，廠方才要在冷氣方面多花心思，包括操控鍵的位置，因為駕駛這類超跑，應該不能分心太久去調校溫度，亦應該要有一個寧靜而適舒環境。

撰文：Michael
編輯：鄒仲安

-----------------------------
醫生專業團隊 教授紓緩焦慮良方
《保健精讀：焦慮》 助你深度放鬆 回歸當下
-----------------------------
馬路趣事 車界大小事
CarMan吹水台 一齊傾吓偈
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新