因出演韓國選秀節目《PRODUCE 101》而出道嘅11人男團Wanna One，今早喺韓國現身錄影《音樂銀行》時，因為現場太多粉絲，令到佢哋冇得如常現身畀傳媒拍照。

而嚟緊10月佢哋會首次襲港，喺10月3號於亞博館舉行首個粉絲見面會，而門票今日公開發售，原本粉絲可以安坐家中上Cityline購票通(www.cityline.com)搶飛，不過現時網站已出現癱瘓情況，似乎因為同一時間太多粉絲撲飛，令到粉絲唔成功買到門票。

由於Wanna One現時人氣爆燈，所以網上都出現炒飛情況，唔少人喺Instagram、微博等轉售Wanna One港騷門票。