真人騷名人家族Kardashian個個女都出位，偏偏阿仔Rob Kardashian就最唔受歡迎，不過最近佢就好出位，因為佢自爆做脫衣舞孃嘅前未婚妻Blac Chyna出軌之餘，仲於Instagram貼出Blac裸照數臭對方，搞到俾IG刪account！

事緣係咁，Rob同Blac自從上年分手之後都搞到滿城風雨，不過Blac就於前日傳咗啲同另一個男人出軌嘅短片俾Rob，Rob受到挑釁當然勁嬲，於是喺IG勁貼Blac嘅裸照同情慾短訊，搞到俾IGIG刪account。之後Rob仍然未夠喉，於是轉戰Twitter繼續鬧，又話對方生完仔之後俾咗10萬美金佢做減肥手術，又送咗25萬珠寶俾對方。

由相片中可見，姦夫着住Rob睡袍自拍，仲訓埋佢張大床，難怪佢咁火滾。之後Blac當然還擊，話自己已經好有錢，又上載戴住珠寶嘅短片，雖然事後兩個人都將啲相刪除晒，不過可以估計二人罵戰應該會持續。