最近品牌YSL(聖羅蘭)搞咗個流動Studio俾一班明星拍攝唇妝硬照，連日來已經發放咗唔少Model藝人嘅型格硬照，不過點靚點型，都唔及今次呢位人物咁切合品牌，佢就係真．聖羅蘭----羅蘭姐喇!

「聖羅蘭」crossover「聖」羅蘭，真係好貼題!其實好玩得嘅羅蘭姐早已用「聖羅蘭」造型去幫海洋公園拍廣告，今次佢正式同「聖羅蘭」品牌合作，就用返淑女形象示人，不過手中拎住唔係雪茄，而係唇彩，十分搞鬼。

羅蘭姐話：「我喜歡在戲劇中扮演不同角色，也喜歡在娛樂節目扮鬼扮馬逗歡眾開心，總之大家開心，歡歡樂樂便行了！」講到最想親吻邊個？虔誠嘅羅蘭姐話：「聖母！」初吻係幾時發生？佢話：「很久以前的事，大概是十八、九歲，忘了感覺是如何。」

模特兒張栩嘉就要與蛇親吻，條蛇纏到佢頭上，但佢就一啲都唔驚話：「因為我是養蛇的，所以不怕牠們，反而很喜歡這種動物，覺得牠很可愛、想親牠！」