章子怡喺今年2月36歲生日會上，接受內地歌手汪峰跪地送上9卡鑽戒求婚，今年3月仲喺香港入紙申請結婚，之前一直有傳子怡同汪峰會喺6月29日正式冊兼慶祝汪峰44歲生日。但今日就有報道指，原來喺5月中一對新人喺雙方親人證婚下，子怡正式做咗汪太，報道仲話子怡當時已經有喜，預產期係下年1月，計劃生完B先補擺喜酒。

其實最近越來越多消息指子怡有喜，之前有網友發現汪峰同巨躉子怡出現喺洛杉磯機場，冇耐子怡就着住鬆身黑衫去睇BigBang美國騷，今個月佢缺席有份監製嘅電影《從天兒降》喺北京舉行發佈會，就俾導演爆料指佢大肚，仲話成個劇組都知道0添。