洪卓立近年將心力放在影視上，在歌唱事業方面要加緊努力，今日他到新城電台拉票，並笑言近日似轉行，由歌星變做演員，再由演員變回歌星。他透露正與吳鎮宇合作演警匪片《破戰》，他扮演便衣探員，對於近日社會氣氛對警員都有負評，洪卓立表示：「角色一早定落，只係做戲啫。」而角色需要他由白皮膚變深色再加留鬚，他說：「極度唔適應，好彩上鏡導演話OK，感覺成熟啲企喺鎮宇側邊，冇相差咁遠。」

現實中洪卓立並無意轉變粗曠形象，他說：「曾經試過曬好耐先黑，但好快變白，最後都係放棄。」他說欣賞自己兩者不同之處：「白雪雪就係死o靚仔，深色啲就成熟。」洪卓立稱和前輩鎮宇合作感到大壓力，雖然對方私下和善，但每當埋位都被對方氣場嚇得怯一怯，幸好鎮宇私下十分喜歡研究美食，大家有話題。

另一方面，洪卓立開拍大台新劇《逆天奇案》，提到昨日傳出大台裁員及高層變動消息，他說：「唔清楚，冇乜點理，但我哋套劇一路拍緊。」至於好友吳浩康與女友崔碧珈分手，洪卓立說有傳訊息給對方，並說：「佢就快音樂會，等佢做完先再聯絡，當日我有工作在身，只能夠精神上支持。」

採訪、攝影：卓寶花

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇