宋芸樺兩年前嘅快問快答被大陸網民拎返出嚟，問佢「最喜歡的國家」嘅時候，佢即刻答咗「台灣」，大陸網民一地玻璃心。其實呢條片已經係三年前，搵嗰個一係就係佢新加入嘅fans，一係就屬於「別有用心人士」，你懂的。

大批恩主戰士鬧爆宋芸樺，要幾難聽有幾難聽，又舉報佢「台獨」，又叫佢滾。文革陰魂不散。

之後宋芸樺於微博出post，向一班恩主道歉，話：「台灣是我的家鄉，中國是我的祖國。對以往快閃提問中的不過腦深感抱歉。」雖然在fb同ig隻字不提，但宋芸樺家鄉嘅朋友——台灣人，知道晒啦。

喺宋芸樺fb，有大批台灣網民留言，有網民狠批：
「說自己是中國人，真的不噁心嗎…？」
「沒差反正還有夏于喬，不差你這個中國人。」
「你是一個會因為錢，就忘記『家鄉』兩個字的人喔！」
「你生在台灣，吸台灣奶水長大，靠台灣電影紅到大陸！你是在道甚麼歉！」
「怎麼不在這裡(臉書)發你是中國人？」
「你心裡明明就認定台灣是個國家，然後現在為了錢連這片土地給妳的一切都不要了？」

唔好以為微博講句「中國是我的祖國」，大陸人就冇事啊，因為玻璃心碎咗就補唔番喇，所以好多大陸人翻牆去fb留言：
「當中國人弱智？」
「你當初可是脫口而出呀，不帶猶豫的那種！」
「不要為了錢說出違心的話」
「去fb和ins上說，才叫以表你的愛國心，台灣妹！」
「行了，大陸發展之路斷了，回去在民視好好演八點檔吧，民視會把你捧為台獨女神的！」
「為什麼我覺得好尷尬阿！」

唔好以為一面倒鬧佢啊，都仲有網民支持佢嘅，但真係唔多囉。

精選娛聞，喺晒《娛果》
http://fb.com/appledailyent