消委會建議「比較」低糖、低脂蛋糕有邊幾款？

今次消委會報告，繼續係冇乜驚喜。測試100個蛋糕樣本甜唔甜、肥唔肥，當中包括黑森林、拿破崙、 雪芳⋯⋯等等十款，每款十件。結果發現，個別品牌的款式，跟以往的測試結果「相若」，偶爾有一個半個牛油蛋榚、瑞士卷的脂肪，比上次測試，高了幾十個百分比而已。蛋糕又點會唔肥？因此相信大家比較關心，係邊款「最唔肥」。

消委會比較各款蛋榚，建議大家不妨選擇黑森林、鮮果忌廉、芒果慕絲和栗子蛋糕等四款，因為都「比較」低糖和低脂。先理解何謂高低，根據消委會解釋，一般每100克蛋榚，含15克以上的糖為高，低於5克糖為低；而含20克以上的總脂肪為高，低於3克的為低。

牛油蛋糕的確肥，十個測試的牌子中，總脂肪沒有不過20克（每100克，下同）。相比之下，栗子蛋榚脂肪鮮有超過20克的。然而細看測試結果，不計牌子，單以蛋榚款式來挑選低脂高脂，「撞板」機會亦高。所謂「鮮有」唔係冇，Lady M栗子蛋榚，總脂肪就達30克勁超標；另外Cova的Chestnut Cream聽到個名都已經知佢肥，總脂肪亦高達20克。同款蛋榚，脂肪最低的分別是山崎麵包（12克）和金田港高級麵包西餅（12克），雖說是同款最低，但跟真正的低脂，還有一段距離。

同理，十個品牌的鮮果忌廉蛋榚，有的脂肪高至21克（凱天餅店），有的低至9.7克（翠河麵包）。另外，在十個黑森林蛋糕樣本，有的脂肪高至27克（Bread Talk），有的低至10克（車厘子餅店）。相差幅度最大的，或許是拿破崙蛋糕，最肥應該是常溫「古法拿破崙」，總脂肪48克，跟東海堂「粒粒芒果千層酥」12克總脂肪，相差足足36克脂肪含量。

撰文：陳以恒

-----------------------------
低頭族上班族必睇 伸展＋穴位按摩自救緩痛
《保健精讀：痛症（頭肩頸）》

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！