曾志偉噚日喺尖沙嘴出席奇華餅家宣傳活動，即場同一班唔同國籍嘅小朋友整老婆餅，佢話諗番起以前媽咪整老婆餅𠱁爸爸開心嘅日子。志偉囝囝曾國祥𠵱家同王敏奕拍緊拖，仲好似話去到談婚論嫁地步，志偉講笑話阿仔將來結婚一定有禮餅贊助。咁有冇催阿仔快啲結婚？志偉講笑話：「冇得催，唔係個個好似我咁好性能力㗎嘛！」
撰文：馮仁昭