據內地傳媒報道，「紀曉嵐」內地著名演員張國立，佢個有吸毒前科嘅仔張默，喺北京順義家中，因涉嫌同朋友吸毒被警方拘捕，被捕過程拍低嘅片今日流出，其實，過程同之前張耀揚吸毒被拉嘅片段差唔多，不過，大家喺片入面係完全見唔到張默個樣0架！

相比起上次張耀揚被拉，人人都可以睇到佢個大頭樣，今次內地公安就好識得「保障」涉嫌吸毒藝人嘅「私隱」，片中所有人嘅樣都模糊咗，話張默係其中一人都唔知信唔信好，仲有呀，當鏡頭影住疑似係張默嘅時候，上字個名只係叫「張某」囉...呀「張某」仲有講嘢0架，話：「認識到錯誤了，你們衝進來抓我，當然認識到錯誤...」嘩，態度有啲輕佻喎...

而片中唯一出現張默個樣嘅，咪係資料片段囉...