葉太與7歲女兒阿Wing一同參與「義路同行」計劃，參加食物製作小組，除在端午節齊齊包糉子，近日又合力製作曲奇，並將愛心製成品送贈長者。
葉太表示，製作食物期間，加深了對女兒的了解，彼此關係更親密。「整曲奇嗰陣佢好鍾意畫HelloKitty，先知佢鍾意呢個卡通人物，平時我都留意唔到。」起初女兒未能掌握壓麪粉的力度，卻因此拉近了彼此的距離。「我捉住佢隻手壓麪粉，好快佢就感受到應該用乜力度，感覺親近咗，佢越大我哋就越少會有拖手呢啲親密接觸。」
透過製作食物，葉太更學會聆聽女兒意見。她坦言一向是嚴肅媽媽，主要由她發號施令，由女兒執行，「整曲奇時要將麪粉壓成唔同形狀，我只諗住由左到右、由上到下好整齊咁整，阿女就想喺中間整隻大象，周圍係心心，聽佢講一次，整出嚟效果又幾靚」。現在她學會與女兒多溝通，了解其想法，甚至依照女兒想法實踐。
該中心社工梁淑瑜稱，計劃旨在促進親子關係和諧，加上天水圍區有較多新移民，他們鮮有接觸社區，「以往佢哋都係受助者，其實佢哋都可以回饋番社會，今次佢哋焗好啲曲奇餅，就送畀區內嘅獨居長者」。
「社福機構專戶」捐款編號：S0006
網上捐款： http://charity.appledaily.com.hk/donate