深受彤叔寵愛嘅Cindy，係富豪中間人Boe媽（顧紹芬）親姪女，若非因為彤叔病逝、以及Boe媽指摘Cindy過橋抽板，可能世人已把Cindy遺忘。

2012年，彤叔宣佈退休、與妻子環遊世界，與Cindy疏遠，但當時女方已搖身一變成為小富婆，有車有樓。而早於04年，Cindy同彤叔初邂逅之際，曾陪對方到上海出席大劉劉鑾雄嘅久光百貨開幕酒會，當時Cindy初見大場面，戴嘅耳環係購自加連威老道嘅$160貨色、身穿$2,300 BCBG 桃紅裙；最貴係頸鏈，價值約兩萬，據知係Boe媽借出。

與彤叔開始「相熟」嘅頭兩個月，Cindy已不時陪同彤叔出席飯局同出埠，當時有指佢啲衫係二姑媽買俾佢㗎，首飾都係朱義盛。有指Cindy仲係慳家之人，多年前就有周刊報道過，一個萬三蚊嘅LV袋，但佢仍然用完再用，難怪彤叔對佢疼愛有加。

講開又講，初登場嘅Cindy，其實好鍾意穿粉紅色同紅色，未脫強國娘味。