【條片似層層】鬧市播惡搞片 張智霖被拘捕?
被捕張智霖蝕日風暴王陽明
今日喺銅鑼灣鬧市嘅大電視上,出現一則新聞片段,片中喺張智霖嘅大頭相,仲大字標題打出「警員被捕」四個大字,唔係嗎?張智霖幾時做咗警員被捕呢?睇清楚原來係二次創作嘅惡搞片宣傳網劇《蝕日風暴》。
由港、台兩大男神張智霖(Chilam)同王陽明主演嘅《蝕日風暴》,剛剛喺上週六(22日)喺「黃Viu煲劇平台」首播。今日喺銅鑼灣鬧市播放嘅一則新聞片段,原來係劇組嘅二次創作短片。片中由前大台新聞主播蔡雪瑩,做番播報員報導「一則特別新聞」,之後播出Chilam嘅大頭片段,話佢飾演嘅毒品調查科督察凌風,懷疑佢串謀毒販被捕,點知佢扣留期間潛逃,而佢嘅同僚王陽明飾演嘅樊毅,亦喺調查期間更下落不明。
段惡搞片整到似層層,仲會喺銅鑼灣嘅大電視連播三個星期,大家行過睇到呢條短片,千祈唔好信以為真,以為Chilam被拘捕。
精選娛聞,喺晒《娛果》
http://fb.com/appledailyent
銅鑼灣鬧市嘅大電視,出現呢段《蝕日風暴》嘅惡搞片。