羅霖前夫劉坤銘的父親劉思仁上月25日逝世，享年90餘歲，昨日在北角香港殯儀館出殯，喪禮以佛教儀式進行。劉家親友周國勳、好友林建名的女兒林煒珊、湯振玲、利承武及何超瓊等人出席，但羅霖則未有現身，劉坤銘的3位兒子子榕、子熙及子晉亦有送爺爺最後一程。約中午1時，劉坤銘登上靈車離開前往火葬場，他戴着墨鏡接受訪問時，只多次重複「有心有心。」問到前妻羅霖沒有出現時，他亦只是說：「個個都有心。」

「諗起以前點滴」

昨日下午羅霖以全黑色背心短裙在尖沙嘴出席香港珠寶小姐競選記者會，羅霖透露剛在泰國拍了兩星期戲，對於昨晨前老爺出殯，有傳前夫禁止她出席喪禮，她直認不諱：「係，我冇被邀請，但有送花圈。我再有透過個仔講，但都被拒絕咗。阿仔同我講『爸爸（劉坤銘）話唔使』，但我其實好想去。」
問到會否覺得前夫絕情時，羅霖說：「老爺對3個仔最好，噚日細仔拖住我手喊住話見阿爺最後一面，我聽到都喊，諗起好多以前點滴。」已經講到眼濕濕的羅霖自言要帶着哀傷心情扮靚出席活動，心情都頗矛盾，因為今年除前老爺外，羅霖的外婆、姑婆亦相繼過身，但作為演員好多時都要將感情放在一旁，將最好一面見人。
另外，諸葛紫岐公司旗下的莊端兒亦有出席，對於老闆娘跟薛嘉麟婚變傳聞，她說：「私人嘢唔問咁多，但最近有報道話佢哋好好，應該冇事。」她表示平時見到兩人非常恩愛。
採訪：王連連
攝影：沈健程、葉君海