【本報訊】近日股市波動如過山車，買貨或沽貨機會隨時稍瞬即逝，遇着因技術問題而未能落盤實在不值。為免無辜損手，散戶應了解不同落盤渠道及操作。
現時落盤方法主要經互聯網、電話或親身到銀行或證券行落盤。訊匯證券行政總裁沈振盈建議，散戶應預先於分別兩間證券行開戶，以備不時之需。他舉例指，如散戶於一間大型證券行A持有某股，但礙於網絡「死機」或塞車，同時又未能透過電話落盤沽貨，此時可致電小型證券行B，向其證明自己於另一證券行持有該股，要求其代為落單沽貨。港股現時執行T+2交收制度，因此散戶可於兩日內將該股由A證券行，掉貨至B證券行以完成交易，但此會收取額外手續費。

不適用於銀行

沈表示當年1997年大升市時，不少投資者亦以此手法解決未能落盤問題。不過，他強調此操作只適用於證券行，因銀行不會為客戶於其他券商之持倉沽貨。
如客戶存倉於銀行，雖然證券行可以為其落沽貨定單，但由於銀行掉倉至證券行之手續較繁複，因此增加錯過交收日的危機。「如果交收唔切，咁就煩啦，佢可能要你補購，無啦啦做咗沽空，又多咗使費」。
永隆銀行證券部主管招志文則表示，銀行各個電子渠道的伺服器流量均有不同，若果手機App渠道塞車，可選擇使用網上渠道；若果兩者皆塞，則可選擇用電話，或到分行使用網絡上網，速度通常較快。
事實上，一般網絡塞車時，真人接聽落盤熱線均會因線路繁忙而未有人接聽，此時，一個相熟經紀就是致勝關鍵。遇着交投熱烈的日子，經紀一般會為熟客優先處理，甚至可以透過WhatsApp向該經紀直接落單。建議一向習慣透過網上落盤的散戶，可偶爾透過經紀落單，遇上信得過經紀，往後可不時直接經其落盤，建立關係。
■記者倪敏慧