黃榕夜店打碟遭軟禁

蘋果日報 2014/01/26 00:00


趙哲妤和黃榕前晚以一黑一白的性感造型,在尖沙嘴出席酒吧周年活動,北上發展的黃榕,因經常在夜店打碟的關係,被人封為「夜店女神」,雖然打碟的酬勞好,但難免會遭人抽水兼軟禁,黃榕說:「我試過俾人摸pat pat抽水,亦試過有次個老細話要飲酒,嗰陣講明唔會應酬,點知其他人閂門唔俾我走,最後息事寧人飲番杯,呢啲錢係搵命博!」黃榕坦言希望努力賺錢,將來開咖啡店做生意。
性感低胸晒背的趙哲妤,最近與五位朋友夾份開雞煲火鍋店,她說:「𠵱家喺長沙灣試業中,計劃喺農曆新年後開幕,得閒我都會落去做生招牌,不過𠵱家最煩係請唔到人洗碗,所以我自己做住洗碗娘!」
採訪:譚倩宜
攝影:仇志德
empty
黑白雙煞趙哲妤(左)和黃榕齊齊性感亮相。