香港地少人多，更被稱為石屎森林，其實只要走入新界就知道處處是寶，好似喺大埔市郊嘅鳳園就係香港嘅蝴蝶王國，更是東南亞著名賞蝶勝地。今日《突醒目》就帶大家嚟鳳園探蝴蝶，親親大自然，探究一下蝴蝶生態。

超過八成喺本港出沒的蝴蝶、即200多種蝶類都在鳳園棲息，包括多個珍貴品種，其中裳鳳蝶是全港唯一被列入《野生動物保護條例》的受保護昆蟲品種，牠更是全中國最大蝴蝶，及全世界體形最小的燕鳳蝶。

鳳園蝴蝶保育區嘅職員努力營造一個蝴蝶棲息地，鳳園本身係河谷地，加上附近圍村風水林極適合蝴蝶居住，職員亦因應不同品種蝴蝶習性種植不同植物，為蝴蝶提供食物及讓牠們產卵寄生。例如年桔回收再種植，桔葉就是蝴蝶主要食糧，另外蕉葉亦是黃斑蕉弄蝶幼蟲嘅主食，園內亦種植白花鬼針草及細葉雪茄花，為粉蝶科和灰蝶科蝴蝶提供食物。

鳳園蝴蝶保育區本月底舉辨鄉村生態綠悠遊導賞遊，歡迎大家參加，希望透過觀察及接觸自然生物，加深家長小朋友認識周邊自然環境，了解農村生活與大自然共融關係，鼓勵惜物愛環境生活態度。

活動資料：
「鄉村生態導賞（一）－大埔鳳園村」
活動日期：3月29日
截止日期：3月24日
報名網址： http://www.fungyuen.org/happyfarming.shtml