【希望有好消息】爆洪永城追魂call要關照女友 黃翠如:好有家長感覺
梁諾妍造人洪永城黃翠如
黃翠如、梁諾妍(Inez)、何超蓮、林愷鈴昨晚在中環出席時裝品牌活動,翠如笑稱受好友洪永城之命要關照其女友Inez,到場後應傳媒所求拍攝單人照後,翠如即主動和Inez互攬合照並笑謂:「唔同你影相我會俾人鬧。」
翠如知情識趣,對好友一定有交代,她說:「佢幾日前已經搵我,仲搵咗我四次,要好好照顧阿嫂,一定要合照,從來都冇覺得我喺洪永城心目中係咁重要,真愛嚟,令我好有家長感覺,唔影呢張相佢會煩我好耐同嬲我。」洪永城的緊張直接反映真阿嫂已經出現,翠如說:「玩嗰陣會叫阿嫂,佢哋都嚟過我屋企一次。」至於Inez被直呼阿嫂反應,翠如說:「佢冇乜反應喎,可能洪永城未係表現得好好。」翠如覺得兩人十分夾,而洪永城一直表示鍾意運動型女性,希望二人盡快有好消息。
翠如之前也有好消息傳有喜,她再三否認:「我未有,我冇呀!」 但開心日前劇集煞科,近月太忙和老公蕭正楠好難見面,見面難,豈不是造人更難?翠如說:「其實我享受緊做老婆先,煮飯有啲成就,整咗粉絲蝦煲,阿蕭話有90分,材料就係佢同曹永廉去買,阿廉呢個小三成日想叉禍我哋關係。」翠如更爆這位「小三」和阿蕭日夜相對:「佢哋嚟緊一個月內去三個唔同地方工作,新加坡、美國同馬來西亞,呢個月唔會點樣見到阿蕭,祝佢哋玩得開心啲,驚返到嚟佢兩個有好消息。」
Inez透露男友知她和翠如出席活動,並叫翠如照顧她,問到男友有否被兄弟催婚?Inez指大家想以事業為重,而洪永城被指買樓築愛巢,她代為否認是投資。
Inez月中會飛往日本跑馬拉松,洪永城近日明顯幸福肥,她說:「我早前喺日本跑馬拉松都有視像提醒佢要跑步做運動,佢近日肥咗,有打籃球,但跑步會快啲瘦,會督促佢多啲,夾到時間嘅話都想一齊完成半馬,會畀多啲時間訓練佢,希望佢可以再瘦啲。」
免費訂閱《蘋果動新聞》, 無懼霸權橫行!立即登記!
https://hk.adai.ly/bXz2v29BrV
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV