松隆子產後現身再咀木村
蘋果即時SMAP木村拓哉北川景子SMAPXSMAP松隆子律政英雄吉田羊
松隆子產後首次上電視節目,品嚐老拍檔木村做嘅料理。
上咗《SMAPXSMAP》任嘉賓嘅松隆子再次咀啖舊拍檔木村拓哉。
松隆子上木村節目做係為宣傳有份演出嘅電影《律政英雄》。
日本女星松隆子噚晚上咗《SMAPXSMAP》任嘉賓,今次係佢三個月前生完B之後,首次喺電視節目現身,亦係佢相隔4年再上呢個節目。噚晚嘅《SMAPXSMAP》係木村拓哉主演嘅電影《律政英雄》特輯,除咗請咗片中一班演員包括北川景子、吉田羊等上去玩遊戲之外,有份演出嘅松隆子就喺試食環節任嘉賓。
松隆子喺節目中點咗由酸梅做嘅料理,結果又係木村嗰組勝出,於是松隆子又再有機會咀木村呢位多年拍檔。生咗三個月嘅松隆子,已經完全收身,望落面尖尖仲好似瘦過以前,佢仲講到湊女生活,話不知幾開心,從中仲學到好多嘢喎。