日本組合AKB48舊將大島優子離隊專注演戲發展，早前有份演出人氣劇《東京白日夢女》，而佢又為剛出版雜誌《DIVER》任封面人物。

前日，大島優子公開為《DIVER》去塞班島取景嘅拍攝花絮，見到佢坐船出海，喺陽光同一望無際嘅海洋襯托下好寫意。優子着住件白色游水衣，但都遮唔到其逼爆上圍，獲網民大讚佢身材好，仲有網民發現佢疑似凸點，見到一班網民咁踴躍留言，優子都有作回應，話自己並冇凸點。