【時間尚早】網民已封為今年視后 黃智雯樂做「星期日女王」
黃智雯視后三個女人一個「因」
黃智雯、袁偉豪、黃淑儀同陳智燊今日齊到觀塘,為新劇《三個女人一個「因」》宣傳。
黃智雯劇中多重人格,就好似一人分飾多角咁,新劇反應亦十分理想,更有網民封佢為今年視后,黃智雯話知道後都好開心,但就冇諗過爭視后,自覺得到觀眾認同已經好開心。對於劇集安排喺星期日播,黃智雯就認為似美劇,一星期先播一次,反而會吸引到觀眾追看。至於有傳媒封佢做「星期日女王」,佢就話呢個都幾好聽,亦希望有更多人星期日留喺屋企睇電視。
期間,人夫陳智燊突然笑問佢點解戲入面咁易被扯出胸圍,黃智雯即笑住話:「你返去問吓老婆囉!」但佢就話其實都有好多朋友問佢,點解每次被扯出嘅胸圍都係同一款式喎。而拍檔袁偉豪亦替黃智雯開心,話佢付出咗好多,好支持佢今年爭視后。
精選娛聞,喺晒《娛果》
http://fb.com/appledailyent
黃智雯、袁偉豪、黃淑儀同陳智燊今日齊到觀塘,為新劇《三個女人一個「因」》宣傳。