元朗近年接連有新盤開售，除了價錢貼二手外，還有大堆優惠甚至按凸樓價搶客，進一步推冧同區二手樓價。元朗市中心指標屋苑YOHOTown及YOHOMidtown，剛錄得連環劈價成交。

消息指，YOHOTown的8座中高層（20樓以上）E室兩房戶，連露台，實用面積422方呎，今年3月1日放盤，叫價500萬元已不算貴，但仍乏人問津，因為經紀有客都推晒去一手，直至近日，狠狠地劈至445萬元才能賣出，呎價10,545元，比半年前賣平逾一球，呢口價經紀都話平到震。同座一個比佢高幾層的D室單位，面積及座向均一樣，去年12月以560萬元賣出，呎價13,270元，即是短短半年，YOHO樓價勁冧21%，聽見都誇張!

YOHOMidtown亦要劈價。代理表示，3座中低層H室，實用面積443方呎，上月26日放盤，叫價535萬元，剛減至485萬元售出，呎價10,948元。原業主於2013年5月以438萬元，辣招三年期屆期即沽貨，賬面賺47萬元。

掌握財經生活資訊，即Like「蘋果ATM」fb專頁啦！
http://fb.com/appledailyatm