NBA開季兩日，一班球迷應該仲係好唔習慣新球季冇咗拜恩（Kobe Bryant）、鄧肯（Tim Duncan）同加尼特（Kevin Garnett）身影嘅賽場。其實唔止球迷唔慣，連佢哋自己都唔係好慣，狼王加尼特就因為冇嘢做身痕，決定加盟美國著名頻道TNT嘅皇牌節目《Inside the NBA》，實行靠把口搵食。

喺禮拜四嘅節目入面，一班主持同KG做咗個視像通話採訪，講到話自己遲吓就會加盟做主持，TNT嘅官方Twitter都放咗條片，片尾就話下個禮拜佢就會上節目喇，睇個款，似有得同奧尼爾、巴克利等人一齊做主持喇。出晒名好多垃圾話（trash talk）嘅KG，唔知同其他主持可以擦出咩火花呢？