居於獅子石道龍邦樓的陳小姐歎道：「我除咗不停咁投訴外，乜嘢都做唔到。如果萬一真係喺限期前未做好煤氣管工程而俾人中斷供應煤氣，咁對我真係好唔公平。」陳小姐表示，早於去年六月，該廈已接獲屋宇署的命令，需於限期前清拆天台及天井平台等僭建物。但事至今已一年多，天台和天井平台的僭建物仍在，早前法團更收到煤氣公司來函，指有損毀煤氣立管未安排更換，且部份更藏於僭建物內，違反條例，若法團於限期十一月底前未安排更換，便會中斷供應煤氣予龍邦樓。
未能更換煤氣立管
陳小姐忿忿不平地表示，因清拆僭建物一事被拖延，令更換煤氣立管一事未能進行，使守法的她無辜受到影響。她陪同記者視察龍邦樓，記者發現該廈二樓天井平台有僭建物，事後搭建的水管、渠管、電線和煤氣管等於走廊梯間「兜來兜去」。記者於二樓梯間見有不明管道沿梯間天花線穿入平台僭建物。
她稱：「早排有人搵煤氣公司，話煤氣管有問題，跟住法團就收信話有煤氣管損毀要更換，重話有啲喺僭建物裏面，屬違例，叫法團喺十一月底限期前整好，如果唔係就會停止供應煤氣，咁我咪好無辜？如果屋宇署追得緊啲，啲業主早啲拆咗僭建物咪冇事，可以換煤氣管囉。」
屋宇署回覆本報查詢時表示，根據記錄，龍邦樓乃該署大規模清拆外牆僭建行動之目標大廈之一，並已於去年六月向個別業主發出法定命令，指令業主在六十天內完成所需工程。法定命令發出至今，有超過四成業主已履行有關命令。