台灣男星炎亞綸今日喺台灣出席瑜伽活動，佢話自己以前未試過做瑜伽，更自認「脾氣比較硬，但筋較軟」，又笑言自己唔會「劈腿」（即一腳踏兩船），結果獲瑜伽老師大讚有天份，就算跟老師做咗幾個高難度動作，都一樣做到，佢笑言：「我臀部肌肉有點抽筋。」

炎亞綸又話，自己私下會去跑步或踩單車，不過佢就呻好孤單，已經獨身3年，佢仲放聲氣話︰「好希望有人在旁邊。」記者打蛇隨棍上問佢有冇人陪，點知一時口快快問咗︰「你有男朋友嗎？」好在炎亞綸EQ高，笑住答：「男女不拘啦！」點知佢越講越放，話自己耳後係敏感帶，被觸摸後會全身酥麻，柔軟度仲會增加。

另外，提到女子天團S.H.E早前離開經理人公司華研，搞到公司巿值喺兩個月內蒸發11億新台幣（約2.788億港元），炎亞綸話覺得股價穩定，但佢就冇入手。

精選娛聞，喺晒《娛果》
http://fb.com/appledailyent