奧斯卡影帝艾迪烈柏尼（Eddie Redmayne）被女狂迷騷擾五年，該名49歲女狂迷Gaby Stieger日前被判入獄四個月，緩刑兩年，以及禁止喺艾迪200米範圍出現，與艾迪或屋企人接觸。

Gaby相信自己前世係艾迪太太，喺五年嚟一直騷擾艾迪，不單止寫信書，仲經常喺艾迪位於倫敦薩瑟克寓所附近出現，艾迪太太Hannah Bagshawe指呢名狂迷經常會坐喺公園，望住艾迪同家人一舉一動，令佢哋難受困擾，Gaby又試過從窗口偷睇艾迪換衫，又曾過當艾迪抱住囡囡時去拍艾迪，而當Gaby講起Hannah時仲會好嬲。

裁判官指Gaby有計劃咁由德國搬到倫敦接近艾迪，而且搔擾長達五年，係非常嚴重嘅罪行，Gaby嘗試喺電影界搵工，又走近受害人屋企，而當艾迪表明Gaby令佢好困擾，Gaby都未有理會，所以最終判Gaby緩刑兩年，同禁止再接近艾迪。