新世界挑戰立法會調查梁展文事件專責委員會司法覆核案下月中喺高等法院開鑼，由於案件涉及立法會權力憲制問題，所以被視為世紀之戰。立法會決定聘請擅長憲法案嘅英國御用大律師AnthonyLester出庭。
打官司係燒銀紙活動，為咗呢場世紀之戰，連立法會都擔心財力不足，要求港府包底。八方聽聞AnthonyLester今次好可能係以友情價來港打官司，可能唔使七個位數字，以佢級數同遠道來港出庭，有人話呢個價真係「好抵打」。
AnthonyLester收得順，並唔係因為同立法會或香港有親，而係因為呢單案係香港憲制極重要案例，無論輸贏都足以名留史冊，呢個因素好吸引㗎。