當年今日
關於我們

【增進感情】老婆練拳下下追住塊面打 張繼聰:令我重新認識佢

蘋果日報 2018/05/02 18:35

練拳運動謝安琪張繼聰

張繼聰今日喺黃大仙以代言人身份出席茶餐廳活動,佢笑言身邊唔少朋友每次光顧都會傳張相俾佢,企圖攞優惠。
最近張繼聰老婆謝安琪正喺到全力訓練操fit狀態,令到張繼聰好佩服老婆嘅毅力,仲話要重新評估對方:「佢以前好少做運動,生咗BB後付出好大,近日不停操fit做訓練動作,越嚟越fit,由最初做唔到,到今日睇片覺得佢好似想當兵,見到佢言行舉止有啲驚,唔講以為佢想拍超人片,我哋o依家有時會爭教練用。」張繼聰知道太太做運動唔單止係為體態美,而且亦都會著重體能方面,希望唔會好似以前咁虛弱。
而運動亦令到兩公婆之間有共同話題,阿聰話:「以前我自己去健身房好孤獨,o依家可以約埋跑步、練拳,最近我帶頭盔練習閃避,俾三分鐘太太全力打,真係令到我重新認識佢,下下追住我面嚟打,仲要快而準,咁樣可以同太太增進感情,我幾時都話佢眼光好,眼界好,我點樣走佢都打中我個頭。」張繼聰面對愛女亦愛不釋手,佢話:「囝囝以前係放心啲,由佢跌,依家我會準備飛撲埋去,對阿女始終係呵護錫啲。」
精選娛聞,喺晒《娛果》
http://fb.com/appledailyent