【新增影片】

小米（1810）明日招股，證券界一致唱淡，耀才證券金融集團研究部總監植耀輝亦表示，小米除了估值高外，對於中證監對小米提出了84條疑問，「睇完之後說服唔到我去抽」。他建議投資者對股份有興趣，留待星期三、四孖展反應，才決定用現金還是孖展抽，但料孖展年息達3厘，要衡量風險。他料以22元上限定價的話，「第一日股價應該無乜咋嗱。」

「小炒王」梁心欣就指，近期很少新股招股時那麼負面：「估值貴過蘋果、同股不同權大家又唔熟，大陸CDR都話唔批住，令到大家嘅感覺好差。」她建議公司待上市時才購入，如果真的有興趣，都建議以現金抽股，「驚孖展會抽咗好多」。

市傳超人李嘉誠入股小米，她就指:「之前四叔（李兆基）會投嗰啲，都最後(股價)都係唔得，佢哋有得坐嘛，點同我哋小投資者！」她料上市首日股價會跌一成左右。

全球樓行 Dream House零距離
https://hk.feature.appledaily.com/overseasproperty