上海版AKB48嘅中國女團SNH48，成員之一嘅唐安琪於今年3月喺咖啡店內發生離奇意外，佢被發現全身着火，燒傷面積高達80%，一度傷勢危殆，而事件背後原因更眾說紛紜，有傳唐安琪係被同行友人縱火。

唐安琪入院多時，本月初剛喺醫院度過24歲生日，佢經搶救後努力熬過植皮手術，目前積極進行復健治療。據了解，唐安琪月初已能自行吃飯，近日終可以落床走路。昨日，唐安琪喺微博首度開腔，透露想講好耐嘅事件真相，佢表示：「有件事想說很久了，關於我受傷這件事的真相，都是我自己一個人不小心造成的意外，與其他任何人都無關，感謝關心我的人們。」唐安琪親自回應事件，否認燒傷同他人因素有關。