音樂人馮翰銘（AlexFung）近日出碟，噚晚佢喺尖沙嘴舉行記者會，老婆黃馨有咗5個月BB都到場支持。雖然陀緊B，不過仍見黃馨攞住紅酒杯，有冇飲幾啖就唔知喇。Alex就話暫時未知BB性別。

除咗老婆大人到場之外，噚晚陳慧琳（Kelly）、林一峰及王苑之等到場支持，喺碟中Alex同Kelly有合唱。之後Alex同Kelly一齊做訪問，Alex笑道：「我用佢好多，成身呀，除咗有合唱之外，Kelly仲幫我拍MV，有個鏡頭我從後攬住佢，但點知出嚟cut咗，可能怕蝦餃仔嬲。」提到曾志偉辭演藝人協會會長，Kelly話：「今日睇報紙先知，佢有自己原因會尊重，可能佢想自由發表意見。」