周一（10月1日）國慶賽馬，編十場草地賽，用A加三跑道舉行。經過六次賽事，通過操練、頻密的試閘或上陣，大家都熱身足夠，故參戰馬也變得踴躍。

蔡約翰夜戰開齋兼起孖，攻勢陸續有來，今次出馬12匹，一定會乘勝追擊。潘頓手握重兵，較早前似還未入局，今日有機會連場報捷。

第五場三班1400米。「友瑩囍」上季跑兩場，在1200米得一冠一亞，初出贏「小鳥敖翔」，再跑不敵「盈華盛甲」，無錯水準唔算高，但質新馬會有進步，再看其身形步法，絕對唔係正宗短途馬。

今季在三班起步，跑了場1200米，隨意發揮下，負於「開心神駒」及「老友威威」，作為開氣及熱身，今次增程跑 1400 米會更合腳法。

復課即安排試大閘，程序跟「鄉村瑰寶」及「紅運戰士」一樣，這個閘輕勝，交出快時間，成熟狀態均邁進一步，排二檔，贏面甚高。「閃耀鑽皇」特利季初出擊之馬，通過兩個大閘操好派遣上陣，路程首本配搭完整，馬房今季積極進取值得信賴，是三甲分子。

「金如意」是今場最佳冷馬，路程一定嫌短，但初出憑新鮮感搭夠，埋門試大閘，面對一批高分短途馬，竟能輕鬆追入季軍，反映狀態水準甚高。

「歡樂小子」識途老馬，跑法也夠機動，負輕磅是配腳佳選。「神龍駒」馬身養得茁壯，快跳步闊有力，排外檔有點難度，攝得好則有權衝近；「天池怪俠」保持好進度，都是邊線馬。

第七場三級賽1000米。「幸福分享」暑期已加盟呂廐，睇操練頗悠閒，沒有試大閘，但當第一眼望見此駒，認不出是養在東廐時模樣，體形飽滿了，埋門拍兩課，都有好表現，特別周四落草地彈閘，末段一鬆勁如炮彈竄上。

論馬夠級數縮程跑短，梁家後造唔到磅，用蔡明紹更添冷味，值得一博。

「旺蝦王」及「天下為攻」狀態當然未夠，但實力不用懷疑，埋門快跳又爽好多，經已夠爭。「新力風」從化閘輕勝，返港後星期六跳一課，狀態有水準，跑強項路程，可以拖腳。